ஒரு நட்பின் ஆதிப் புள்ளி
ஒரு பிரிவின் துயர இறுதி
ஒரு கொண்டாட்டத்தின் மகிழ்வான தருணம்
விருப்பமிலா உடன்பாட்டின்
ஒரு தொண்டைக் குழி வெறுப்பு
கெஞ்சலையும் கொஞ்சலையும்
நாணமிட்டுத் தூவி
அன்பின் தணலில் உருக்கி
வார்த்தெடுக்கப்பட்ட
ஒரு காதலின் முதல் அத்தியாயம்
பசித்துத் தவித்து உணவுக்கு ஏங்கிய
ஒரு வயிற்றின் குளிர்வு
ஆற்றாமையை வாங்கிச் சுமந்து
ஆசுவாசம் தந்த ஒரு தோள்
ஒரு தனிமையின் மௌனம் எனக்
கதை கதையாய் கொட்டிக்கிடக்கிறது
உணவகத்தின் ஒவ்வொரு மேசை மீதும்.
- நா.அருள்ஜோதியன்
பிரசுரம் : விகடன் சொல்வனம் 24 அக்டோபர் 2012
கருத்துகள் இல்லை:
கருத்துரையிடுக