தொலையாத உன் நினைவுகளுடன் - 1

எறும்பாய் காலம் ஊர

கல்லாய் தேய்கிறது

உன் நினைவு…

மூன்று யுகம் ஆகுமோ

முழுதாய் தேய?

கணிணியில் மூழ்கி

மறக்க நினைத்தாலும்

கடவுச்சொல்லாய் நீ !

இமை மூடா கனவுகள்

எதிர் காலம் மாற்றும் என்றால்…

கடந்த காலம் மாற்றுமா

இந்த

இமை மூடா நினைவுகள்?

- அகன்   

 

   

நனைந்த நினைவுகள்

நானும் என் காதலும்

வேண்டாம் என்று

விலகி சென்றாய்.

காயம் ஆறாமல்

கண்ணீர் சிந்தும் வேலையில்

கை குட்டைக்குள்

ஒளிந்துகொண்டு  என்

கண்ணீரில் நனைகிறது

உன் நினைவுகள்.

நான் உனக்காய் அழ

பாவம் அது
எனக்காக நனைகிறது  !

- அகன்

 

காதலும் காதல் சார்ந்த கவிதையும் - 4

என் காதல் பூதத்தின்
தீரா பசிக்கு
நீ கொடுக்கும்
முத்தங்களும்
போதவில்லையாம் .
என்னவாது செய்து
தீர்துவிடேன்
அதன்  பசியை !!!

- அகன்

 

காதலும் காதல் சார்ந்த கவிதையும் - 3

எப்படி மறைத்தாலும்

ஆழமான காதலை

அழுத்தமாய்

பதித்துவிடுகிறது

உன் கண்கள் !!

- அகன்

 

காதலும் காதல் சார்ந்த கவிதையும் - 2

மிதக்கும் பொருட்கள்
சுவடுகளை விடுவதில்லை
எனும்
பொறியியல் கூட புரியாதா
உன் பார்வைக்கு?

 - அகன்

 

காதலும் காதல் சார்ந்த கவிதையும் - 1

மழைக்கால நடை பயணத்தில்

கால் தடுமாறிய  தருணமொன்றில்

இடை பற்றி  காப்பாற்றினாய்.

ஆறாத காதல் காயங்களுடன்

இன்றும் தோன்றுகிறது,

அன்று

விழுந்தே இருக்கலாமோ என்று ???

- அகன்